Date
Wednesday 18 June 2008 at 8:30pm
Location
кино Фросина
Skopje,
Macedonia
Description
Плагиј.ат и Живееме поквалитетно со особено задоволство Ви го најавуваат концертот на еден од најквалитетните и најпродуктивни музичари на светската indie сцена, Bonnie 'Prince' Billy. Will Oldham во рамките на европската промотивна турнеја на својот најнов албум Lie Down in the Light ќе настапи и во Скопје, во арт-киното Фросина на 18. јуни 2008 година.
Многумина успеале да извлечат грандиозна музика од темнината на американските ноќи. Кога студот и претчувството на смртта виорат длабоко во душата. Денес, многу малку автори успеваат да произведат така потресно убава и оригинална музика, како Bonnie 'Prince' Billy.
Навистина е тешко истата да се дефинира. Веројатно е најблиска до традиционалната американска музика (кантри, блуз и фолк), на начин на кој е и музиката која веќе со децении ја создаваат Bob Dylan и Neil Young.
Познат е и по специфичниот начин на снимање на албумите. Па господинот Steve Albini ќе рече:
Тој не вежба. Ги бира луѓето со кои ќе свири кратко време пред снимањето, па така, музиката спонтано се создава, ставена е на постојан ризик, подложна на мааните и доблестите на оние кои се наоѓаат во студиото. Таа спонтаност придонесува на снимањата да се случуваат величенствени музички моменти кои не се постигнуваат со вежбање.
Неговата песна I See a Darkness ја преработи бесмртниот Johnny Cash на својот албум American III: Solitary Man. Очигледно и Човекот во црно ја препозна величината на тажната и мирна американа.
Во изминатите две години ги објави студискиот албум The Letting Go, Superwolf во соработка со гитаристот Matt Sweeney, како и The Brave and the Bold, албумот со обработки заедно со чикашките пост-рок пионери Tortoise, компилацијата на раритетни снимки Little Lost Blues, лајв албумот Wilding in the West, колекцијата на демо снимки Wai Notes со Dawn McCarthy, EP-то со обработки Ask Forgiveness, а месецов го издаде и својот најнов студиски албум Lie Down in the Light кој ќе биде промовиран и во нашата земја.
Има соработувано и со Björk на саундтракот за филмот Drawing Restraint 9, а во 2004 година беше предмет на двојниот tribute албум I Am a Cold Rock, I Am Dull Grass. Меѓу артистите кои преработија по некоја негова песна беа и Calexico, Iron & Wine, Jolie Holland и Sodastream.
Bonnie 'Prince' Billy како дел од актерската екипа учествувал и во неколку експериментални независни филмови, меѓу кои најпознати се: Matewan, Junebug, Old Joy и The Guatemalan Handshake.
Bonnie 'Prince' Billy со пратечкиот бенд во скопското арт-кино Фросина ќе настапи во среда 18. јуни.
Line-up (1)
Don't want to see ads? Upgrade Now